انتي بالنسبه لي ايه ؟

انتي بالنسبه لي ايه ؟

انتي كنتي بالنسبه لي نجم عالي

 كنتي انتي فرحتي وبلقاكي تسعد دنيتي

 كان منايا اكون معاكي

 بأي شكل بأي صيغه اكون معاكي

 مش مهم العلاقه ايه اسمها المهم اكون معاكي

 كنت دايماً اخاف عليكي

 كان عقلي دايماً فكره فيكي

 ده طبعاً كان زمان



 دلوقت زادت قسوتك

 واهنتي انسان قدرك

 كان كل همه يسعدك

 يوم تركتيني احكي لحالي

 ما عرفت يومها ايه جرا لي

 ولما سألتك السبب
كانت اجابتك اني نسيت اقول ثواني

 وراجعه تاني

وكان ده عذرك المثالي

 ده لاني شخص مش مهم

 ومش هيزعل ليه تفكري انتي فيه

 ليكي حق تجرحيه

 وتقولي عنه

ده ناسي نفسه

 جايز ما يعرف انتي مين

 وكأنه عمره ما يعرفك

 وكأنه انسان يجهلك

 ولما سألتك السبب

 كانت اجبتك

ده اكيد مزاح ليه هتقتل الفرح

 اكيد ده عذرك المثالي

 دايماً حقوقك بتشوفيها وحقوقي تجهليها ما تعرفيها

 صفحاتي ضاقت من فعالك

 من تهاونك من خداعك

 وفي لحظه صرت هامش من حياتك

كنت حاسس انك في لحظه هتقوليها
 اعذريني لانسحابي صعب اسمعها وادري


 ان النهارده ما لي مكان بفكرك او حياتك

 صعب اقدرك اخاف عليكي احس بيكي

 وبالنهايه بتجفيني